Watu wanne wamefariki dunia katika kijiji cha Kintinku, wilaya ya Manyoni mkoani Singida katika matukio mawili tofauti yaliyotokea wilayani humo likiwemo la watu watatu wa familia moja kula chakula kinachosadikiwa kuwa na sumu.
Mganga mfawidhi wa Hospitali ya wilaya ya Manyoni, Ainea Mlewa amethibitisha kutokea kwa matukio hayo likiwemo la mwanamke mmoja kupoteza maisha wakati akipatiwa matibabu baada ya kaka yake kumkata kata kwa panga.
Matukio hayo yemevuta hisia za watu wengi ambao walikusanyika katika hospitali ya wilaya ya Manyoni wakati miili ya watu hao ikichukuliwa kwa ajili ya kwenda kuhifadhiwa kwenye chumba cha kuhifadhia maiti .
Kwa mujibu wa mganga mfawidhi wa Hospitali ya wilaya ya Manyoni,watu hao watatu waliokufa baada ya kula chakula kinachosadikiwa kuwa na sumu wawili ni wanafunzi wa shule ya msingi Lusilile iliyoko wilayani Manyoni.
Tayari sampuli za chakula walichokula zimechukuliwa kwa ajili ya uchunguzi zaidi ili kubaini chanzo cha vifo vya watu hao.
Katika tukio la pili mwanamke alikatwa kwa panga na kaka yake na kulazwa katika hospitali hiyo ya manyoni ambapo alipoteza maisha wakati akipatiwa matibabu.
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon